Nag-import ang Pilipinas sang P4.68 million metric tons nga bugas sadtong 2024, kag ginakabig isa ka record high suno sa datos nga nagikan sa Bureau of Plant Industry (BPI) sang Department of Agriculture (DA).
Suno kay DA Assistant Secretary kag spokesperson Arnel de Mesa nga ang gulpi nga pagtaas sa rice imports bangud sa pila ka mga problema.
Ika-duha bangud manubo ang taripa kag pila ka mga insidente sang smuggling.
Sa pihak sang pagbaha sang imported nga bugas, ginpakanubo ni De Mesa ang epekto sini sa local market kag ginpahayag nga ang imports importante agud mapun-an ang kakulangan sa local production.
Matandaan nga sadtong 2023, nag-import ang pungsod sang 3.6-M MT nga bugas kung sa diin una na nga nagpagkit ang Pilipinas sang record high nga 3.83 million MT sadtong 2022.
May kaangtanan naman sa suggested retail price (SRP) para sa bugas, ginsiling sini nga ang subong nga initial estimate para sa 5 percent broken rice yara sa P60 kada kilo.
Samtang para sa 25 percent broken rice, ang presyo ginalauman nga magapabilin nga maganubo sa P50/kilo, ukon P46 tubtob P47/kilo.
