Pilipino chess player, ginpatumba ang mga kasumpong sa bilog nga kalibutan

Nangin madinalag-on sa lima ka adlaw nga World Open Chess U 2000 Tournament 2024 sa Amerika ang ginakabig Philippine National Master kag Typhoon Yolanda survivor nga si Mario Rebano.

Ini matapos lutuson niya ang 226 nga mga manughampang nagikan sa bilog nga kalibutan, kalakip na ang iya Armenian contender sa katapusan nga hampang.

Nakuha ni Rebano ang titulo nga World Open U 2000 kag premyo nga nagabalor sang $12,000 ukon masobra P700,000.

Mahibaluan nga sa karun ang nasambit nga player yara sa New York kag plano sini nga gamiton ang iya nadag-an nga kwarta para sa training sa masunod niya nga kompetisyon sa Las Vegas.