Ginpasiguro ni World Boxing Council (WBC) minimumweight champion, Melvin “Gringo” Jerusalem nga mangin mainit ang pag-atubangay nila sang challenger nga si Luis “Fiechita” Castillo sa adlaw sang Dominggo para sa WBC title.
Si Castillo nga isa ka undefeated number 1 contender ni Jerusalem ang may yara sang record nga 21 ka kadalag-an kalakip ang 13 knockouts.
Apisar bisita lamang, nagapati ini nga kaya niya nga kuhaan sang titulo si Jerusalem sa kaugalingon nga pungsod.
Pahayag sini nga iya ginapreparahan ang hampang bangud isa ini ka dako nga oportunidad.
Samtang si Jerusalem ang may yara sang 23 ka daog, tatlo nga piyerde kag 12 knockouts kun sa diin ini ang una nga kahigayunan nga madepensahan sini ang korona sa kaugalingon nga pungsod.
Luyag sang Pinoy boxer nga malimtan ang kapiyerdehan kay Oscar Collazo sang Puerto Rico sa WBO world minimumweight title.
