Gin-anunsyo sang transport group nga PISTON ang nationwide transport strike sa Marso 19, Huwebes nga adlaw, agud pamatokan ang serye sang pagtaas sang presyo sang gatong bangud sa tension sa Middle East.
Suno kay PISTON national president Mody Floranda, ang grupo sa bilog nga Pilipinas ang magahiwat sang hublag protesta.
Pahayag pa niya, updan ang hublag sang mga driver, operator kag mga pumuluyo batuk sa pagka-inutil sang administrasyon ni President Ferdinand Marcos Jr. batuk sa US aggression sa diin nagatuga ini sang kabudlay sa mga pumuluyo.
Natalana man nga mag-file sang P5 fare increase ang PISTON agud makabulig sa drivers nga ma-recover ang nadula nga income.
Ginpakamalaot man sang grupo ang gobyerno sa P5,000 cash aid para sa mga apektado nga drivers kag operators bangud para sa ila, kulang ini kag inadlaw lang ang masakop sang subsidy para
sa inugbayad sa pagpagatong.
