Ginpasakaan sang Office of the Ombudsman sang kaso nga plunder kag graft sa Sandiganbayan si Senador Jinggoy Estrada kag anay DPWH Secretary Manuel Bonoan subong nga Huwebes, Mayo 28.
Kasunod ini sang rekomendasyon sang Department of Justice ukon DOJ nga kasuhan si Estrada kag iban pa nga opisyal sang Department of Public Works and Highways may kaangtanan sa gin-alegar nga anomalya sa flood control projects sang gobyerno.
Base sa reklamo ni anay DPWH engineer nga si Brice Hernandez, gin-alegar nga nakabaton si Estrada sang 30% nga kickback halin sa P355 milyon nga balor sang mga proyekto sa flood control projects.
Ikatatlo na ini nga kaso nga may kaangtanan sa korapsyon batuk kay Estrada, Sang 2001, nadalahig siya sa jueteng scandal, kag sang 2014 naman sa PDAF scam, apang gin-abswelto siya sa amo nga kaso.
Suno sa Ombudsman, ginmanduan ang mga akusado nga magsumiter sang ila counter-affidavit sa sulod sang 15 ka adlaw.
Sa subong, wala pa sang opisyal nga reaksyon sila Sen. Estrada kag Bonoan may kaangtanan sa mga akusasyon.
