PMRMS – South, preparado na para sa May 12 elections

ROXAS CITY – Preparado na ang President Manuel Roxas Memorial School – South para sa May 12 National and Local elections.

Sa interview sang Bombo Radyo kay Mr. Richard Lachica – School Principal, iya ginpahayag nga apat ka barangay ang magaboto sa ila buluthuan nga ginalakipan sang Barangay III, Barangay IV, Barangay VI Barangay Tanque.

Suno kay Lachica, may ara sang priority lane para sa mga Senior Citizens, PWDs kag nagabusong.

Samtang, may naka-deploy man nga kapulisan sa tion sang eleksyon agud mapasiguro ang seguridad sang mga manunudlo.

Ginpasiguro naman ni Lachica nga wala sang deperensya ang mga ACMs pag-testing kaina sang aga.