Ginpasiguro sang Philippine Navy (PN) nga preparado ang ila nga pwersa sa tion nga maglala ang mangin tensyon sa tunga sang Chinese Coast Guards (CCG) kag sang tropa sang Pilipinas sa West Philippine Sea (WPS).
Suno kay PN spokesperson for the WPS Rear Admiral Roy Vincent Trinidad, ang ila nga papel ang ipabilin nga luwas ang mga Pilipino kag bantayan ang seguridad sa WPS.
Ini matapos nagpahayag sang sentimiyento ang China sa pag-aresto kay anay Pangulong Rodrigo Duterte pinaagi sa gindagdag nga warrant of arrest gikan sa International Criminal Court (ICC).
Ginalauman nga mas mangin agresibo ang CCG sa ila padayon nga iligal nga pagpabilin sa sulod sang Exclusive Economic Zone (EEZ) sang pungsod.
Pahayag pa sini, ang mga tension ang tuga sang pwersa militar sang pungsod kundi sang isa ka ‘foreign player’ nga luyag suno diri nga pamunuan kag sakupon ang WPS.
Samtang, ginpasiguro ni Trinidad nga nakahanda ang ila nga pwersa para sa anuman nga sitwasyon indi lamang sa nagapadayon nga tensiyon sa katubigan sang WPS, kundi mangin sa seguridad sang pungsod sa mapaduta man ukon mangin sa kahawaan.
