Ginmandu ni Philippine National Police (PNP) Chief PGen. Jose Melencio Nartatez Jr. ang paghimakas sang isa ka independent investigation may kaangtanan sa alegasyon nga may pila ka pulis nga nag-escort sa itom nga van nga ginapatihan nga ginsakyan ni Senador Ronald “Bato” dela Rosa sang nagguwa ini sa Senate compound sang Mayo 14.
Suno sa PNP, ginatas-an na ang mga imbestigador nga usisaon ang nagkalain-lain nga ebidensya pareho sang CCTV footage, logbook, radio dispatches, deployment records, kag body camera videos agud mapamatud-an kon may yara gid bala sang wala ginpahanugutan nga pagbulig ukon pag-escort nga ginpatigayon sang mga pulis.
Ang imbestigasyon nagatuyo nga mahibaluan kon may naglapas sa mga alituntunin sang pulisya kag kon may mga personnel nga naggamit sang ila posisyon ukon kagamitan sang kapulisan nga wala sang otoridad ukon pahamtang.
Sa karon, wala pa sang opisyal nga resulta ang PNP samtang padayon ang imbestigasyon sa nasambit nga insidente.
