Naglikaw anay sa paghatag sang komento ang Philippine National Police ukon PNP may kaangtanan sa ginapaalinton nga pangabay ni Senador Ronald “Bato” dela Rosa nga makapabilin anay sa Camp Crame matapos ang nagluntad nga shooting incident sa Senado.
Nauna na nga ginpahayag ni Acting Sergeant-at-Arms Mao Aplasca nga nangabay kuno si dela Rosa kay PNP chief Gen. Jose Melencio Nartatez Jr. nga tugutan siya nga magpabilin sa isa ka kuwarto sa national headquarters sang PNP.
Suno naman kay PNP spokesperson Brig. Gen. Randulf Tuaño, wala anay sila sang opisyal nga pahayag tuhoy sa amo nga isyu. Samtang, padayon nga ginakabig sang International Criminal Court ukon ICC si dela Rosa bilang isa sa mga ginatudlo nga may kaangtanan sa crimes against humanity may kaangtanan sa war on drugs sang nagligad nga administrasyon.
