ROXAS CITY— Naka-alerto ang PNP sa probinsiya sang Capiz bangud sa ginabantayan nga posible pag-atake sang mga rebelde nga New People’s Army.
Sa interview sang Bombo Radyo kay Police S/Supt. Samuel C. Nacion, direktor sang Capiz Police Provincial Office (CPPO), naka-full alert sa karon ang mga pulis sa probinsiya.
Nahibaluan nga nakabaton sang impormasyon ang mga otoridad nga may plano nga magsakalay ang mga rebelde sa pila ka mga banwa sa Capiz kalakip na ang Pres. Roxas, Maayon, Jamindan, Tapaz kag Dumarao.
Suno kay Nacion, kalakip sa adlaw adlaw nga preparasyon sang mga pulis ang posibilidadsa ng mga pag-atake.
Nahibaluan nga duha ka encounter na ang nahinabo sa Capiz una sa banwa sang Tapaz sa diin isa ka soldado ang napatay kag ang ikaduha sa bawa sang Maayon sa diin duha ka mga katapu sang NPA suno sa militar ang napatay.
