-- ADVERTISEMENT --
Wala sang nakita nga pamahog ang Philippine National Police (PNP) pila ka oras antes mag-umpisa ang Mayo 12 national kag local elections.
Suno kay PNP spokesperson Police Brigadier General Jean Fajardo, ang deployment sang mga police officers sa adlaw sang eleksyon ang nakasentro sa mga polling centers, election hubs, checkpoints kag border controls, kag mga hilikuton nga may kaangtanan sa eleksyon.
Gindugang sini nga wala sang seryoso nga pamahog nga mahimo makatublag sa eleksyon.
Ginapasiguro man nga indi sila kampante kag pirme sila nakaalerto.
May yara man sila sang suod nga kaangtanan sa nagkalain-lain nga regional offices agud masiguro ang matalunsay nga eleksyon.
-- ADVERTISEMENT --
