ROXAS CITY– Nagakaigo ang pondo sang Department of Social Welfare and Development (DSWD) para mabuligan ang mga evacuess gikan sa Marawi City nga naipit sa engkwentro sa tunga sang tropa sang gobyerno kag Maute terror group.
Sa interview sang Bombo Radyo Roxas kay DSWD USec. Hope Hervilla, ginpahayag sini nga wala sang dapat ikahadluk ang mga biktima nga yara sa mga evacuation centers bangud may nagakigo nga pondo ang ahensiya.
Suno diri nga padayon ang pagbulig sang ahensiya sa mga biktima nga yara sa evacuation center labi na sa Iligan City pinaagi sa paghatag sang nagapanguna nga kinahanglanon.
Dugang pa ni Hervilla, nga masobra sa tres mil ka pamila ang yara sa evacuation centers ang nahatagan sang bulig sang ahensiya.
Ginpasiguro man sang opisyal nga makabaton sang nagakaigo nga bulig ang mga home-based evacuess ukon mga biktima nga temporaryo nga nagaestar sa balay sang ila himata.
Ginkumpirma man sini nga madamo nga mga international agencies ang nagtanyag sang buli sa mga biktima sang Marawi siege apang indi ini mabaton sang ahensiya bangud sa mandu ni Pres. Rodrigo Duterte nga indi pa makabig nga yara sa national state of calamity ang Pilipinas.
