Nagpahayag sang pagkabalaka ang Commission on Population and Development (CPD) sa nagadako nga numero sang mga kaso sang mga bata nga nagabusong.
Sa pagdinig sang Senado, ginpahayag ni PopCom Deputy Executive Director Lolito Tacardon, makasulubo nga may nabalhag nga live birth nga isa ka 8-anyos nga bata sa Sulu sang 2023.
Sa kasubong man nga tuig, nabalhag naman sa Civil Registry and Vital Statistics ang 11,497 live births sa mga edad 10 tubtob 15-anyos samtang 54,510 live births naman sa mga 17-anyos panubo tubtob 23,260 live births naman ang repeat pregnancy.
Apang, alarming suno ang kaso sang mga edad 10-14 years old nga nagbusong sang 2023 ang nagtaas sa 3,342 nagikan sa 1,629 sang 2013.
Nagpaandam man si DOH Assistant Secretary Albert Domingo nga pila sa mga gin-igo sang human immunodeficiency virus (HIV) kun sa diin ginapahayag natabo sa una nga sexual contact sang 16-anyos apang ang paggamit sang contraceptives ang ginahimo na lamang sang 17-anyos na.
Ginrekomendar ni Domingo nga tun-an man ang timprano nga pagtudlo tuhoy sa puberty.
Dugang pa sini, posible naman nga ikonsiderar ang paghatag sang age-appropriate kag culturally sensitive information sa mga edad 8 tubtob 9-anyos.
