Gin-appoint ni Pope Leo XIV si Very Rev. Fr. Cyril B. Villareal bilang bag-o nga Obispo sang Diocese sang Kalibo.
Ang nasambit nga appointment ang ginbasa ni Very Rev. Msgr. Rufino Regie Pamposa, Vicar General of the Archdiocese of Capiz nga ginakabig nga isa ka importante nga tikang sa pamunoan sang Simbahan Katolika sa probinsya sang Aklan, ilabi na sa padayon nga pagpalig-on sang pastoral kag administratibo nga mga programa sang Diocese.
Nahibaluan nga si Fr. Villareal ang nagaserbe bilang Kura Paroko sang St. Thomas of Villanova Parish sa banwa sang Dao, kun sa diin nakilala siya bilang isa ka masaligan kag aktibo nga lider espiritwal sang komunidad.
Sang tuig 2021, ginpili man siya nga mangin Archdiocesan Administrator sang Capiz matapos gin-designar si His Eminence Jose Cardinal Advincula bilang bag-o nga Arzobispo sang Manila, kun sa diin ginpangunahan niya ang responsibilidad sa pagdumala sang archdiocese sa tion sang transisyon.
Magatal-os naman si Bishop-elect Villareal kay Most Rev. Jose Corazon T. Tala-oc, D.D., nga nagretiro bilang Obispo sang Kalibo matapos ang pila ka tuig nga pag-alagad kag pagserbisyo sa Diocese kag sa katawhan sang Simbahang Katolika.
