Ginsapubliko sang Department of Agriculture (DA) nga posible nga magkulang sa suplay sang mga itlog sa bulan sang Abril.
Paathag ni DA Sec. Francisco Laurel Jr. nagkaroon sang sobra nga suplay sang mga itlog sang nakaligad nga tuig nga nagresulta sa pagtibusok sang farm-gate price sa P4 kada isa sang itlog.
Dugang pa sini, madamo nga local producers ang nalugi kun sa diin kinahanglan sang mga ini nga katayon na lamang ang ila mga manok agud magkakita.
Suno pa sa tiglikom, napanubo sini sang dako ang populasyon sang mga naga-itlog nga inahin nga manok nga posible nga makaapekto sa suplay sang itlog sa mga masunod nga binulan.
Gintuad man sang DA chief nga kinahanglan sang local poultry raisers sang hatching eggs kadungan sang pagsugod sang pagtaas sang demand para sa nasambit nga commodity.
Nagalaum naman ang tiglikom nga masabtan pa ang ginapahayag nga kakulangan sang suplay sang itlog.
Ginganyat man sini ang financial institutions nga maghatag sang pondo para suportahan ang repopulation efforts sang industriya.
Mahimo suno nga makabulig ang nasambit nga tikang agud mapunggan ang krisis kapareho sang sitwasyon nga nakaapekto sa Amerika kun sa diin nagresulta ang avian influenza outbreak sa culling sang milyun-milyon nga manok.
