Gin-aprubahan na sang Kamara sa ikaduha nga pagbasa ang panukalang balaod nga nagatuyo nga palawigon ang bisa sang Professional Regulation Commission ukon PRC identification cards halin sa tatlo ka tuig pakadto sa lima ka tuig. Ginpahayag nga ini nga tikang makabulig sa pagpakunhod sang gasto kag kabudlayan sang mga propesyonal sa pirmi nga pag-renew sang ila IDs.
Suno sa mga may-akda sang panukala, luyag nila nga mapadasig kag mapahapos ang serbisyo sang gobyerno para sa mga professionals pareho sang mga maestro, nurse, engineer, architect kag accountant. Lakip man sa plano ang pag-upgrade sang digital registration system sang PRC agud mapakunhod ang pila kag mapahapos ang proseso sang appointments.
Ginpabutyag man sang mga opisyal nga paagi sini, mas makafocus ang mga propesyonal sa ila obra kag serbisyo sa publiko imbes nga magbalik-balik sa renewal process kada tatlo ka tuig.
