Handa nga pa-imbestigaran ni President Ferdinand Marcos Jr., sa Comelec ang mga naghatag sang donasyon sa iya kampanya sa 2022 elections.
Suno kay Palace Press Officer Undersecretary Atty. Claire Castro nga dapat himuon sang Commission on Elections ang ila trabaho angut sa nasambit nga bagay.
Nahibaluan ang report naghalin sa Philippine Center for Investigative Journalism (PCIJ) sa diin lunsay nakabaton sang campaign contributions si Marcos kag ang iya tandem nga si Vice President Sara Duterte nga nagabalor sang pila ka milyon ka pesos gikan sa mga kontraktor sang mga proyekto sang gobyerno.
Ini sa pihak sang probisyon sang Omnibus Election Code nga nagadumili sa mga kandidato sa pagbaton sang kontribusyon gikan sa mga negosyante nga may kontrata sa gobyerno.
