PRESIDENT ROXAS, CAPIZ – Nag-file na sang certiorari sa Supreme Court si President Roxas, Capiz Mayor Receliste Escolin kasunod sang pagbasura sang Commission on Elections (Comelec) En Banc sang iya motion for reconsideration may kaangtanan sa pagkansela sang iya certificate of candidacy para sa 2025 midterm elections.

Ang certiorari amo ang petition nga nagahingyo sa higher court nga i-review ang desisyon ukon tikang sang government body.

Sa interview sang Bombo Radyo kay Escolin, iya ginpahayag nga himuon niya ang tanan nga legal remedies agud nga mapabilin sa pwesto bilang alkalde.

Suno sa iya, indi dapat magkabalaka ang mga pumuluyo sang President Roxas nga nagbutang sa iya sa pwesto bangud tinguhaan niya nga indi ma-usik ang boto sang mga tawo.

Indi manigar pahayag niya nga may yara gid sang mga indibidwal nga nagakalipay sa desisyon sang Comelec En Banc, apang ang matuod nga kalipay amo nga mahibaluan nga madamo sang mga pumuluyo sang banwa ang nagapalangga sa iya.

Dugang pa sang natungdan, ginalauman niya nga sa masunod nga semana, maaprubahan na kag makuha niya ang temporary restraining order.