Nagtaas pa ang presyo sang kamatis sa mga merkado, base sa monitoring sang Department of Agriculture.
Sa ulihi nga update sang ahensiya, nagsaka na sa P360 kada kilo ang presyo sang kamatis, ilabi na ang may manami nga kalidad.
Ang isa ka kilo sang kamatis ang mas mahal pa kaysa sa isa ka kilo sang manok nga nagaabot lamang sa P240 kada kilo. Ini ang halos kabaylo na sang kada kilo nga presyo sang pork shoulder nga yara sa P390 kada kilo sa karon.
Suno sa DA, ang mga medium-sized nga kamatis ang nagaabot na sang P20.00 kada isa ukon mas sobra pa.
Una na nga ginpahayag sang ahensiya nga ang mga magkasunod nga bagyo nga nag-igo sa Pilipinas ang nagapanguna nga rason sang sobra nga nakaapekto sa suplay kag presyo sang mga agricultural products kasubong sang kamatis.
Maluwas sa kamatis, ginabantayan man sang DA ang sobra nga pagtaas sang presyo sang siling labuyo sa mga merkado.
Base sa update sang ahensiya, naglab-ot na sa P1,000 ang kada kilo sang presyo sang siling labuyo gikan sa anay P900 kada kilo, pila ka adlaw na ang nakaligad.
