ROXAS CITY – Nagdoble ang pagtaas sa presyo sang mga utanon sa Teodoro Arcenas Trade Center (TATC), duha ka semana matapos ang pagpanalasa sang bagyong Paeng sa probinsya sang Capiz.
Suno kay Rachel Abroso, masobra isa ka dekada na nga nagabaligya sang mga utanon, suno diri indi mapunggan ang gulpi nga pagsaka sa presyo sang utan bangud tuman nga napaapektuhan ang sektor sang agrikultura sang nangligad nga bagyo.
Sa karon ang presyo sang mga utanon sa merkado:
Bugkos sang Latoy – P20 nga dati P10
Pechay – P50-P60 nga dati P20-P30
Ampalaya – P150/kl nga dati P100/kl
Talong – P150/kl nga dati P100/kl
Kalabasa – P40 nga dati P20
Bugkos sang Okra – P20-P30 nga dati P10
Patola P120/kl nga dati – P20-P30/kl
Dahon sang sili – P20
Kalobay P80
Lupo – P20
Kulitis – P10
Takway – P10
Puso sang saging – P40-P50
Wala man sang mahimo ang mga manugbaligya kundi pataasan ang presyo sang ila produkto agud makabawi malang sa ila capital.
Matandaan nga sang Oktubre 27 nag-igo ang bagyong Paeng sa probinsya nga nagresulta sang lapnagon nga pagbaha kag nagbilin sang daku nga kahalitan ilabi na sa agrikultura.
