Padayon ang Police Regional Office-6 sa pagpapasangkad sang ila relasyon sa media partners agud mas mapadasig ang pagpalapnag sang insakto kag matuod nga impormasyon sa publiko.
Sa interview sang Bombo Radyo kay Police Major Rachelle Garnica, Public Information Officer sang Capiz Police Provincial Office, iya ginpahayag nga daku ang bulig sang media sa kapulisan sa pagpalab-ot sang impormasyon may kaangtanan sa peace and order kag public safety.
Suno kay Garnica, ang madasig kag klaro nga paghatag sang impormasyon nagadugang sang pagsalig sang publiko sa kapulisan kag nagapakita sang transparency kag professionalism.
Ginpasiguro man sini nga padayon sila nga magaserbisyo nga may integridad, accountability kag respeto para sa kaayuhan sang publiko.
