PRO-6 may bag-o na nga director kasunod sang pagretiro ni Police Brigadier General John Bulalacao

ROXAS CITY – Ginkumpirma sang Police Regional Office 6 ang pagtal-us ni Police Brigadier General Rene Pamuspusan sa magabiya na sa pwesto nga si  Police Brigadier General John Bulalacao subong nga adlaw.

Mangin epektibo ang pagpungko sang bag-o nga director sang PRO6 subong nga adlaw kasunod sang pagretiro kag kaadlawan ni Bulalacao.

Nahibaluan nga si Pamuspusan ang classmate ni Bulalacao sa PMA Maringal Class 1988.

Ginalauman  ang pagtambong sang pila ka mga heneral gikan sa nagkalain-lain nga lugar sa patigayunon nga turnover ceremony sa Camp Delgado subong nga adlaw.