Patay ang isa ka kilala nga vlogger nga kilala sa pagsuporta kay anay President Rodrigo Duterte samtang nagamaneho sa national highway sa Carrascal, Surigao del Sur, Dominggo sang aga.
Ang biktima amo si Philip Engbino, 48 anyos, residenteb sang Minglanilla, Cebu. Siya man ang manager sang EZMMI GenCon, isa ka kontraktor para sa Strong Group Mining Corp. (SGMC).
Suno sa report, nagamaneho si Engbino sang puti nga pickup truck nga ginapanag-iyahan sang SGMC sang ini ang ginluthang pasado las 6:00 sang aga sa Barangay Bacolod.
Magluwas nga company manager, aktibo man si Engbino sa social media bilang vlogger kag nagpabutyag sang suporta kay anay President Duterte.
Suno sa rekord sang kompanya, ang salakyan ni Engbino nagguwa sa Gate 2 sang pasilidad sa pagmina mga alas 4:35 sang hapon sa Sabado, Oktubre 3.
Sa subong, wala pa sang opisyal nga pahayag ang Carrascal Police angut sa insidente.
