Provincial administrator Monares, gindepensahan ang iya nga pagpaidalom sa rapid testing 

ROXAS CITY -Gin-athag ni Provincial Administrator Edwin Chinel Monares nga wala ginbakal sang provincial government ang mga gingamit sini nga rapid testing kits.

Ginpahayag ni Monares nga gindonar sang wala sini ginhingadlan nga indibidwal ang rapid testing kits nga gingamit niya kabaliskaran sang mga nagalagaw nga alegasyon.

Ginpanindugan ni Monares nga may ara siya sang kinamatarong nga ipaidalum ang kaugalingon sa COVID-19 testing bangud isa ini ka frontliner.

Samtang ginbuyagyag man sini nga magluwas sa iya may iban pa nga mga department heads ang nagpaidalum sa rapid testing.

Ginkalipay naman ni Monares nga nag-negatibo ini sa rapid testing kag napasiguro nga hilway siya sa COVID-19.