ROXAS CITY – Madinalag-on nga ginlunsyar sang Commission on Election (COMELEC) Capiz ang nagkalain-lain nga Joint Security Control.
Ang nasambit nga aktibidad ang gintambungan nanday Atty. Rommel Benliro, Election Officer sang Comelec Capiz, PCOL. Albert Tapulao, Provincial Director sang CPPO, Atty Salud Milagros Villanueva, Provincial Director Supervisor Comelec Capiz, Manolito Montel Deputy Brigade Commander kag LTCol. Vicel Jan Garsuta (GSC) CO, 12IB, 3ID, PA.
Tinutuyo sini agud mas mapasangkad ang seguridad sa mga aktibidad may kaangtanan sa palaabuton nga 2025 National and Local Elections.
Magabulig man ini agud mapunggan ang mga sala nga impormasyon ilabi na sa tion sang pagpalapta sang deepfake kag sala nga paggamit sang artificial intelligence.
Bangud sini, naghinyo ang nasambit nga mga ahensya nga makig-angut kag magbuylog agud mapabilin nga mangin matawhay kag matalunsay ang palaabuton nga pagpiniliay.
