ROXAS CITY – Nagpaathag ang Provincial Planning Development Officer (PPDO) natuhoy sa mga proyekto sa 20% development fund nga ginpainan sang pondo sa pihak nga may yara na sang existing nga pondo diri.
Suno kay PPD Officer Mr. Stephen Bediones nga ang tanan nga mga proyekto ang ginhatag lamang sa ila ni Provincial Engineer Edgar Agana, rason nga wala sang may natabo nga duplication sa mga proyekto.
Aminado si Bediones nga wala napahibalo ang mga local government unit nga may yara sang ginpa-in nga pondo sa ila gikan sa 20% development fund.
Ginklaro sini nga ginpaidalom sa maid-id nga evaluation ang mga proyekto nga una na gina-alegar nga may yara sang mga duplication.
Apang indi lamang mahibaluan ni Bediones kun ano na nga phase ang mga na-alokar sang pondo sa isa ka proyekto.// Ginpahayag nga ini ang isa sa mga rason nga tobtob sa karon wala pa ma-aprubahan ang 2020 proposed budget sang probinsya.
Sa karon nagapadayon ang mga budget hearing sang Sangguniang Panlalawigan bangud ga nabilin pa nga mga departmento nga wala pa nakaplastar sa ila 2020 proposed budget.
