Pulis nga ginkawatan sang sling bag nga nasulod ang service firearm, ginahulat ang mangin desisyon sang tagdumalahan sang RCPS

ROXAS CITY – Ginahulat na lang sa karon ni PSSgt. Roberto Ebojo sang Roxas Component City Police Station ang mangin desisyon sang ila hepe angut sa pagkawat sang iya sling bag nga nasulod ang iya service firearm.

Ini matapos nga nakapasa na ang nasambit nga pulis sang iya explanation letter kay PLt. Col. Aron Palomo, chief of police sang nasambit nga police station.

Matandaan nga sadtong Pebrero 1, nadulaan si PSSgt. Ebojo sang sling bag nga may unod nga 9mm caliber pistol kag may unod nga P1,000 nga kwarta sa Sitio Cablat-an, Brgy. Cagay, Roxas City.

Sa karon, nagapadayon sa gihapon ang imbestigasyon angut sa insidente.