Gin-atake sang Iran ang pila ka mga Gulf Cooperation Council States sa Middle East.
Suno kay Bombo Joseph Timothy Rivera, International Correspondent, direkta sa Qatar, lakip sa mga gin-atake amo ang mga pungsod sang Saudi Arabia, Kuwait, Bahrain kag United Arab Emirates.
Samtang, maswerte naman ang pungsod Qatar kag Oman nga wala sila madalahig sang pagpamomba sang Iran.
Pahayag pa niya, nakabatyag man sang kahangawa kag kahadlok ang pila ka mga OFW sa Kuwait bangud sa asud-asud nga missile attack sang Iran nga gilayon naman nga na-intercept sang nasambit nga pungsod.
Dugang pa niya, apisar nga anum na kaadlaw ang nakaligad sang ginbombahan sang Iran ang Ras Laffan Energy facility kon sa diin tuman nga naapektohan, nagapabilin sa gihapon nga hugot ang seguridad sang Qatari Government bangud may yara sa gihapon sang tensyon sa pungsod.
Nagpanawagan man ang natungdan sa mga Pilipino sa Qatar nga maghalong, mangin aligmat, magsunod sa mga abiso sang gobyerno, kag magkuha lamang sang impormasyon gikan sa opisyal kag lehitimo nga mga sources.
