ROXAS CITY, CAPIZ- Tuman ang kalipay ni Punong Barangay Manuel Aninang sang Barangay Olotayan, Roxas City sa ila nabaton nga motorbanca halin kay Capiz 1st District Representative Howard Guintu.
Sa interview sang Bombo Radyo, ginpahayag ni Aninang nga dako nga bulig ang amo nga motorbanca sa pagpatigayon nila sang mga pag-roving kag pagpanglagas sa mga nagapatigayon sang iligal nga pagpangisda sa sakop nila nga kalalawran.
Suno sa iya, pagpangisda lang ang ila nga pangabuy-anan rason nga importante gid para sa ila nga mabantayan ang ila nasakupan nga kalalawran batok sa pila ka mga troll nga nagapatigayon sang illegal fishing.
Pahayag pa niya, ang amo nga motorbanca ang wala man nila ginpangayo sa Congressman apang ginhatag ini sa ila kag sigurado ini sya nga indi ini pagbawion sa ila.
Nahibaluan nga anay ini sila ginbawian sang amo nga butang sang City Government.
Nagpalab-ot naman sang tuman nga pagpasalamat si Punong Barangay Aninang kay Congressman Howard Guintu.
Interviewed by Bombo Jessa Mae Siman De Los Santos
