BOMBO ROXAS – “Ang pagserbisyo ko sa Barangay, indi matupungan sang kwarta”.
Ini ang maisog nga pagpahayag ni Punong Barangay Rufino Dunton sang Barangay XI, Roxas City matapos wala makabaton sang insentibo nga ginpanagtag ni Roxas City Mayor Ronnie Dadivas sang nakaligad nga Disyembre 2020.
Ginkumpirmar ni Dunton nga nakabaton sang nasambit nga insentibo ang mga Barangay Health Workers, mga Barangay Tanod kag pila ka mga Barangay Kagawad sini magluwas lamang sa iya nga nagapungko bilang amay sang nasambit nga barangay.
Nagapati man si Dunton nga posible wala ini nalakip bangud sa ginlatag nga kwalipikasyon ni Mayor Dadivas kun sin-o ang mahimo lamang nga makabaton.
Ginpahayag pa sini nga wala nagasakit ang balatyagon kag wala ini sang kaakig bangud wala nalakip sa baylo nga ginarespeto sini ang desisyon ni Roxas City Major Ronnie Dadivas.
