Liwat nga nakapagkit ang Taiwan sang madamu nga mga Chinese military aircraft sa palibot sini sa sulod sang 24 oras.
Naglab-ot sa 66 ka Chinese military aircraft ang na-detect sang Taiwan Ministry of National Defense sa palibot sini.
Magluwas sini naka-detect man ang Taiwan sang 7 ka People’s Liberation Army Navy vessel.
Nagikan sa masubra 60 ka aircraft, 56 sa mga ini ang natumod nga nag-agi sa sensitibo nga median line sa Taiwan Strait, ang katubigan nga naglayuay sa mainland China kag Taiwan.
Pila sa mga military aircraft sang China nagdikit pa sa Taiwan sang tubtob 33 ka nautical miles (61KM) sa pinaka-timog nga bahin sini.
Subong nga tuig, ang 66 ka military aircraft nga na-detect ang pinakamadamu nga napagkit sang Taiwan.
Ginsundan sini ang 62 ka detected military aircraft sadtong Mayo, kaupod ang 27 ka naval vessel sa mga katubigan nga ginsakop man sang nasambit nga estado.
Una na nga ginpahayag kagapon ni Taiwan nga dalayon ang pag-agi sang mga barko kag military aircraft sang China sa mga katubigan nga sakop sini kun sa diin ang iban ang nagasulod man sa katubigan nga sakop sang Pilipinas pamaagi sang Babuyan Channel sa ulihi nga bahin sang Luzon.
