Nagapanawagan si House Posecutor kag Akbayan Party-list Rep. Chel Diokno kay VP Sara Duterte nga mag-atubang sa Senate impeachment court.
Suno kay Diokno, indi pa tion nga ikonsiderar sang impeachment court ang argumento sang depensa may kaangtanan sa mga pahayag ni Vice President Sara Duterte.
Gani, nagakadapat nga mag-atubang anay sa korte si Duterte kag personal nga ipaathag ang matuod nga konteksto kag katuyuan sang iya mga tinaga.
Ginpanindugan man ni Diokno nga importante nga hatagan sang kahigayunan ang piskalya nga ma-cross-examine ang Bise Presidente agud maathag nga mahibaluan kun ang iya depensa ang base sa freedom of speech ukon may iban pa ini nga paathag.
Ginhatagan pagtamod ni Diokno nga ang personal nga testimonya ni VP Sara ang isa ka importante nga bahin sang proseso agud mapasiguro ang patas kag maid-id nga paghinun-anon sa mga isyu nga ginpasaka batuk sa iya sang impeachment court.
