Nagpanawagan si House lead prosecutor kag Batangas 2nd District Rep. Gerville Luistro sa publiko nga ipangamuyo ang palaabuton nga impeachment trial ni VP Sara Duterte nga natalana nga magasugod sa Hulyo 6.
Sa ginpatigayon nga misa para sa House prosecution panel, ginhingyo ni Luistro ang mga Pilipino nga ipangamuyo ang conviction sang respondent.
Ginpakigbahin man niya ang laygay sang iya iloy nga mangin maathag sa kon ano ang ginapangamuyo kag magsalig sa gahum sang pangamuyo.
Suno kay Luistro, importante man ang pagpangamuyo para sa mga House prosecutors, private prosecutors, defense team, kag senador-judges agud mangin patas ang bug-os nga proseso.
Ginpanindugan man sini nga ang suporta kag pangamuyo sang publiko ang magaserbe nga kusog sang prosecution panel samtang nagapadayon ang impeachment proceedings.
