Mas nangin mabudlay pa ang rescue operation sa Nepal kag Tibet bangud sa malain nga tyempo kag delikado nga dalanon kasunod sang flash floods nga nagluntad.
Suno kay Bombo Trini Laurea Basnet, international correspondent sa Nepal, nagapangatubang sang seryos nga pagpanghangkat ang rescue teams bangud sa remote location kag lain-lain nga dalagan sang panahon.
Sa Tibet, ginpahayag sang Chinese authorities nga ang rescue work sa Gyirong County ang nangin mas mabudlay bangud sa padayon nga ulan.
Apang ini ang mas mangin mabudlay pa sa mga masunod nga adlaw bangud sa malain nga tyempo.
Pahayag ni Basnet, nagakabudlayan ang rescue teams nga magdala sang dalagko nga salakyan kag equipment sa lugar bangud makitid ang dalan sa kabukiran.
Sandig sa data sang otoridad, masobra 1,000 na ang missing kag kadam-an diri ang turista samtang 165 naman ang napatay.
