Nagrekord ang residential property prices sa Pilipinas sang 1.6% growth year-on-year sa fourth quarter sang 2025, ang pinakamahinay sa sulod sang halos pito ka-tuig, suno sa Bangko Sentral ng Pilipinas (BSP).
Sandig sa datos, naghinay ang Residential Property Price Index (RPPI) halin sa 1.9% growth sa third quarter sang 2025 kag 9.8% sa pareho nga quarter sang 2024. Mas dako ang pagnubo sa luwas sang Metro Manila, nga nagrekord lamang sang 1.0% nga pagdabong, samtang ang NCR ang may yara sang 2.3% growth, wala sang pagbag-o halin sa tinalikdan nga quarter apang mas mahinay sa 12.3% sang 2024.
Sa sahi sang pabahay, naghinay ang pagtaas sang presyo sa single-attached kag detached units, apartments, townhouses, kag duplexes nga nagtaas lamang sang 0.1%, samtang ang condominiums ang nagrekord sang 3.5% pagtaas, halin sa 1.4% sa tinalikdan nga quarter.
Ang datos sang BSP ang nagapaandam sang padayon nga paghinay sa merkado sang pabahay, partikular sa luwas sang Metro Manila.
