Resolusyon sang Senado nga i-suspend ang PUV Modernization, ginbasura ni PBBM

Ginbasura ni Presidente Ferdinand Marcos Jr. ang gin-file nga resolusyon sang 22 ka Senador nga suspendiron ang PUV Modernization Program.

Nanindugan ang presidente nga wala gindali ang PUV Modernization program gani indi ini pabor sa gusto sang mga senador.

Sa pagkamatuod suno kay PBBM, pito na ka beses na-postpone ang PUV Modernization program.

Pahayag pa sang president nga kadam-an sa mga nagaduso sang suspensyon ang yara sa minority.

Indi suno diri pwede nga 20% ang magadesisyon sang mangin kabuhi sang 100%.

Dugang pa sini nga majority sang tsuper kag kooperatiba ang nagpa-consolidate sa modernization gani padayunon sang gobyerno ang programa.