Nangin madinalag-on ang ginpatigayon nga rotation kag reprovisioning (RORE) mission sa BRP Sierra Madre sa Ayungin Shoal.
Gingamit sa amu nga operasyon ang isa ka civilian vessel nga MV Lapu-Lapu, nga gin-alalayan sang Philippine Coast Guard (PCG) vessel nga BRP Cape Engaño.
Wala naman sang may napagkit nga untoward incident sa nasambit nga misyon.
Mahibaluan nga ini ang una nga RORE mission nga ginpatigayon sa idalum sang agreement nga natukod sa tunga sang Pilipinas kag People’s Republic of China may kaangtanan sa mga prinsipyo kag pamaagi sa pagpatuman sang RORE missions sa Ayungin Shoal, nga may tinutuyo malikawan ang indi pagka-intindihan.
Ang legal kag nakaangdan nga RORE mission sa sulod sang exclusive economic zone (EEZ) sang Pilipinas ang pamatuod sa propesyunalismo sang mga katapo sang Philippine Navy kag Philippine Coast Guard, subong man sa koordinasyon sa tunga sang National Security Council, Department of National Defense, kag Department of Foreign Affairs.
