Nagpatigayon sang river clearing operation ang City Agriculture Office kaupod ang Bantay Dagat sa Cadimahan River kag sa iban pa nga mayor nga alagyan sang tubig sa syudad.
Suno sa City Agriculture Office, kabahin ini sang padayon nga tikang sang local government agud mapalapad kag mapatin-aw ang mga suba, agud wala sang sablag sa pag-agay sang tubig ilabi na sa tion sang mabaskog nga ulan.
Ginpahayag man nga ang operasyon nagatinguha nga malikawan ang pagtaas sang tubig kag posible nga pagbaha sa nagkalain-lain nga bahin sang syudad pinaagi sa pagtinlo sang mga nagaharang sa mga dalan sang tubig.
Nagpasalamat naman ang mga otoridad sa kooperasyon sang mga residente, ilabi na sang mga mangingisda, nga nagabulig sa pag-amlig kag pagpreserbar sang kasubaan sang Roxas City.
Padayon naman nga ginalauman ang suporta sang komunidad sa mga programa nga nagapadayon sa pag-amlig sa palibot kag paglikaw sa kalamidad.
