Ginpasiguro sang pamunuan sang Roxas City Police Station nga mangin malinong kag matawhay ang pagpatigayon sang releasing sang ayuda sa idalom sang Social Amelioration Program sang Department of Social Welfare and Development (DSWD) sa siyudad sang Roxas.
Ini ang ginpahayag ni Police Lieutenant Colonel Ricardo Jomuad Jr., hepe sang Roxas City PNP sang mainterview sang Bombo Radyo.
Suno sa kay Jomuad nga may mga ginpahamtang nga mga kapulisan sa 7 ka mga pay-out areas sa siyudad agud malikawan ang mga kinagamo kag iban pa nga kalakasan.
Gindugang pa sini nga indi nangin mabudlay sa ila ang pagpatuman sini bangud nagabulig kag nagakooperar man ang tagsa ka mga barangay.
Samtang nangin malinong kag matawhay naman ang pagpatigayon sang releasing sini sa paglibot sang nasambit nga opisyal.
Kalakip sa mga pay-out areas amo ang wing area sang isa ka supermart sa Barangay Inzo Arnaldo Village, CAPSU Main Campus, isa ka dako nga mall sa Barangay Lawaan, covered gym sang Barangay Culajao, covered gym sang Barangay Talon, covered gym sang Barangay Bago kag covered gym sa Barangay Bato.
| ReplyForward | ||
