ROXAS CITY – Nagalaum ang Roxas City Retailers Association nga tutokan sang Department of Agriculture ang paghatag sang balanse nga supply sang imported kag lokal nga bugas matapos nga gin-lift na ang import ban.
Sa interview sang Bombo Radyo kay Mr. Edilberto Cambe , Presidente sang Roxas City Rice Retailers Association, iya ginpahayag nga indi man kuntani pagpatam-an ang supply sang imported nga bugas bangud ang mga mangunguma ang tuman nga maapektohan.
Suno kay Cambe, nagdahog ang baklanay sang local rice sang epektibo pa ang import ban apang indi manigar nga may yara gid sang mga manugbakal nga nagapangita sang imported rice.
Bangud nga gin-lift na ang import ban dugang sang natungdan, ginalauman nga magbalik sa estable ang presyo sang bugas matapos nga nagtaas sang nagligad nga tuig.
