Padayon ang imbestigasyon sang Roxas Component City Police Station sa natabo nga pagpangbuno sang isa ka lalaki sa Sitio Terrel, Barangay Tanque, Roxas City.
Ang biktima amo si alyas “Delfin,” 53-anyos samtang ang suspek naman amo si alyas “Nel,” 33 anyos, lunsay residente sang nasambit nga lugar.
Sa interview sang Bombo Radyo kay Police Lieutenant Colonel Rogelio Tomagtang Jr., hepe sang Roxas Component City Police Station, iya ginpahayag nga nagapungko ang biktima upod si alyas Joy, 22 anyos kag iloy sang suspek samtang naga-inom sang kape kag naga-istoryahanay, nag-abot si Nel kag nagsulod sa balay.
Sa iya nga pagbalik sa guwa, gilayon lang niya nga ginbuno si Delfin kag naigo sa tuo nga siko.
Matapos ang insidente, madasig man nga nagpalagyo ang suspek.
Desidido naman nga magpasaka sang kaso ang biktima.
