Posible nga mag-retaliate ang Russia batuk sa Britanya bangud sang nagapadayon nga suporta sang United Kingdom sa Ukraine.
Suno kay Bombo Steven Mark Espinosa, International Correspondent sa United Kingdom, posible nga matabo ang pagtimalos matapos magpabutyag ang Russia sang posible nga konsekwensya batuk sa Britain tungod sa alegasyon nga ginagamit sang Ukraine ang British-made drones sa long-range attacks sa Russia.
Pahayag niya, nagapakita ini nga nagataas ang tensyon sa tunga sang Russia kag Britanya.
Samtang, nagpaguwa naman sang pahayag si UK Prime Minister Andy Burnham nga padayon nga suportahan sang Britain ang Ukraine kag indi ini magbiya sa tion sang pagkinahanglan.
Sa subong, wala sang kompirmasyon ang British Ministry of Defence kun gin-gamit gid man ang British drones sa mga pag-atake batuk sa Russia.
