Ginkumpirmar sang mga otoridad sang Russia nga isa ka mataas nga heneral sang Russia ang napatay sa isa ka car bombing sa Moscow.
Ini si Heneral Yaroslav Moskalik, ang pinakaulihi nga kumander sang militar sang Russia ukon pro-Kremlin nga tawo nga ginapatihan nga ginapuntariya sang mga taga-Ukraine sa sulod sang Russia.
Suno sa Russian Investigations Committee spokeswoman nga si Svetlana Petrenko, naglupok ang isa ka Volkswagen Golf matapos naigo sang improvised explosive device nga puno sang pellets.
Natabo ang pag-atake samtang ang special envoy ni US President Donald Trump nga si Steve Witkoff ang nagapadulong sa sentro sang Moscow agud makigkita kay Russian President Vladimir Putin para sa peace talks sa Ukraine.
Una diri, ginpahayag ni Russian Foreign Minister Sergey Lavrov nga handa na ang Russia nga mag-abot sa isa ka kasugtanan upod sa US agud tapuson ang inaway sa Ukraine, apisar nga suno sa iya may pila ka mga elemento nga kinahanglan nga ayuhon.
Sa bahin sang Ukraine, ang alkalde sang Kyiv nga si Vitali Klitschko nagpakita nga ang ila pungsod mahimo nga maghatag sang isa ka teritoryo bilang kabahin sang peace deal.
