ROXAS CITY – Patay ang isa ka lalaki matapos maaksidente ang ginamaneho nga motorsiklo sa Barangay Cabugao Oeste, Panay, Capiz.
Ginkilala ang biktima nga si Alden Falcis, 23 anyos, residente sang Barangay Puti-an, banwa sang Cuartero.
Ba-se sa inisyal nga imbestigasyon sang mga kapulisan, pauli na kuntani ang biktima sang ginasubay sini ang nasambit nga lugar sakay sa iya nga motorsiklo apang hinali ini nadulaan sang kontrol sa iya nga manibela kag aksidente nga nasanggit ang likod nga porsyon sang iya ginasundan nga motorsiklo nga ginamaneho ni Melbrin Deseo, 23 anyos, sang
Barangay Pawa, banwa sang Panay rason nga natumba ini sa dalan.
Nag-angkon sang pilas sa iya nga ulo kag magkatuhay nga parte sang lawas ang biktima nga gintunaan sang iya kamatayon.
Gindala pa ini sa ospital apang gindeklarar nga dead-on-arrival.
