Security guard patay na sang masapwan sa sulod sang iya balay sa Brgy. Punta Tabuc

ROXAS CITY – Patay na sang nasapwan ang isa ka security guard sa sulod sang iya balay, alas 2:00 sang hapon sang Hulyo 8, sa Sitio Railway, Barangay Punta Tabuc, Roxas City.

Ginkilala ang biktima kay Gregorio Villarosa Baldomero, 49-anyos residente sang nasambit nga lugar.

Sandig sa imbestigasyon sang mga katapo sang Roxas City PNP, wala na sang kabuhi sang nasapwan sang bayaw nga si Charity Baldomero ang biktima nga nagahapa sa sulod sang iya kaugalingon nga balay.

May yara sang pagduda sa pamilya sang biktima gani natalana ini nga igapaidalum sa autopsy examination.