Ginpahanugutan sang Sandiganbayan Second Division ang request ni Senador Jinggoy Estrada nga bawion ang iya motion nga nagahingyo sang furlough—ukon temporaryo nga kahilwayan sa detention—para magtambong sa impeachment trial ni Vice President Sara Duterte.
Gani, ginbawi sang korte ang mando nga nagapangayo sang mga komento gikan sa prosekusyon kag gindeklarar moot and academic ang amo nga bagay.
Suno sa gin-file nga manifestation sang kampo ni Estrada, may sala bangud ginpasa ang motion sa Second Division sa baylo nga sa Fifth Division sang Sandiganbayan.
Apisar nga nakapiyansa si Estrada sang ₱90,000 para sa separado nga kaso sang graft sa idalom sang Second Division, nagapabilin ini nga detained sa New Quezon City Jail sa Payatas bangud sa plunder case sa Fifth Division.
Suno sa pamunuan sang Senado, ang suspension bilang senador nagakahulugan man nga indi na siya makapungko bilang senador-judge sa nagapadayon nga impeachment trial ni VP Sara Duterte samtang ginapatuman ang laye.
