Indi luyag nga magpanakayon ni Senadora Imee Marcos sa duha ka suba kabangdanan kung ngaman nag-atras siya sa alyansa nga gin-endorso sang iya utod nga si Pangulong Ferdinand Marcos Jr sa pagka-Senador para sa 2025 elections.
Matandaan nga sadtong nakaligad nga semana, ginpakilala ni PBBM sa Alyansa Para Sa bagong Pilipinas convention ang senatorial slate sang administrasyon kung sa diin nalakip diri si Senadora Imee apang wala nakatambong sa nasambit nga aktibidad.
Mahibaluan nga kilala si Senadora Imee bilang malapit nga abyan ni Vice President Sara Duterte rason nga ginakonsiderar niya sa amu nga desisyon ang iya sitwasyon.
Apisar nga nag-withdraw si Marcos sa Senatorial slate sang administrasyon, ginklaro sini nga bukas siya pananglitan nga imbitahan ini sang Presidente nga magsaka sa entablado sang Alyansa Para Sa Bagong Pilipinas.
Nagpasalamat man ini sa iya utod bangud naiintindihan suno diri sang Presidente ang iya sitwasyon.
Dugang pa sini nga nakahinala na niya suno diri ang iya iloy angut sa iya pag-withdraw sa alyansa.
Apang, ginksubo naman ni anay First Lady Imelda Marcos ang nangin desisyon sang iya anak.
Sa karun, ginakumpleto pa niya suno diri ang iya mga
dokumento para sa pagfile sang iya kandidatura sa pagka-Senador sa 2025 elections kag ginahulat lamang suno diri ang desisyon sang Nacionalista party sa pagfile sang COC bangud wala man siya suno diri nag-resign sa partido.
