-- ADVERTISEMENT --
Naghatag sang reaksiyon si senatorial aspirant kag labor leader Atty. Luke Espiritu angut sa patutsada ni Pangulong Ferdinand “Bongbong” Marcos, Jr. para sa mga kandidato sa 2025 midterm elections.
Matandaan nga sa ginpatigayon nga proclamation rally sang Alyansa Para sa Bagong Pilipinas ginsiling ni PBBM nga ang iban nga kandidato kaangay nga naga-deliver lamang sang langgaw.
Bangud sini, sa ginpatigayon nga “Tayo 2025 The Senatorial Debate” ginsiling ni Espiritu nga testingan lang ni Marcos pananglitan nga makasulod sila sa Senado.
Sa tion nga matabo ini suno kay Espiritu, magaligid ang ulo sang tanan nga political dynasty ilabi na sang mga Marcos senators kag Duterte senators.
