ROXAS CITY – Padayon nga ginabulong sa ospital ang senior citizen nga ginlabo sang iya kaugaligon nga magulang sa Sitio Bonyod, Barangay Vizcaya, President Roxas, Capiz.
Matandaan nga nag-angkon sang pilas sa ulo si Morito Delfin, 79-anyos matapos nga ginlabo ini ni Enrico Delfin, 82-anyos nga lunsay mga residente sang nasambit nga barangay.
Ba-se sa imbestigayon sang President Roxas MPS, nga nagpadulong ang manghod sa balay sang iya magulang kag nagtuga sang kinagamo, apang ginguwa ini sang suspek kag ginpahipos, apang wala ini mag-untat kag ginaalegar nagpadayon sa pagginahod.
Bangud sini, ginlabo ini sang iya magulang kag naigu sa iya nawala nga ulo.Sa karon, ginahulat pa ang desisyon sang pamilya kun ang suspek ang pasakaan sang nagakaigo nga panumbungon.
