-- ADVERTISEMENT --
ROXAS CITY – Patay ang isa ka senior citizen matapos nga nagbunggo sa isa ka bus sa Barangay Poblacion, Tapaz, Capiz ang ginamaneho nga motorsiklo.
Ginkilala ang biktima nga si Jose Glumalid sang Poblacion, Tapaz nga nag-angkon sang kapilasan sa lawas kag ulo.
Madasig ang pagmaneho sang biktima sa iya motorsiklo kag nagbunggo ini sa nasugata nga bus nga ginamaneho ni Federico Ustaga sang Rizal Ilawod, Calinog, Iloilo.
Bangud sa impact sang pagbunggo sang motorsiklo sang biktima sa bus nag-angkon sang patal nga pilas sa lawas si Glumalid nga gintunaan sang iya kamatayon.
Samtang nagsungka naman ang driver sang bus sa Calinog PNP apang bangud sa banwa sang Tapaz, Capiz natabo ang insedente ginturn over sa Tapaz PNP ang driver sang bus.
-- ADVERTISEMENT --
